თბილისის N28 საჯარო სკოლაში მეტად საინტერესო სასწავლო პროცესი მიმდინარეობს.
მათ შორის აღსანიშნავია, მე-4 კლასში ჩატარებული მათემატიკის ღია გეკვეთილი თემაზე - სიგრძის ერთეულები, დროის ერთეულები, მანძილისა და დროის გამოთვლა.
პედაგოგმა ანა კაცაძემ გაკვეთილი ინტერაქტიული და მრავალფეროვანი აქტივობებით გაამდიდრა, რამაც მოსწავლეთა ჩართულობა და ინტერესი კიდევ უფრო გაზარდა.
ბავშვებმა ბლიც კითხვებზე ხალისით გასცეს პასუხები, იმუშავეს როგორც ინდივიდუალურად, ასევე ჯგუფურად, ერთმანეთს აზრები გაუზიარეს და პრაქტიკულ ამოცანებში ჩაერთნენ.
გაკვეთილის მსვლელობისას გამოყენებული იყო ვიზუალური მასალები, თამაშები და პრაქტიკული დავალებები, რაც სწავლების პროცესს უფრო ეფექტურს და საინტერესო გახდიდა.
მოსწავლეებმა შეძლეს რეალურ ცხოვრებაში სიგრძისა და დროის მნიშვნელობის უკეთ გააზრება და მიღებული ცოდნის გამოყენება სხვადასხვა სიტუაციაში.
ღია გაკვეთილი მოსწავლეებისთვის მეტად შემეცნებითი აღმოჩნდა: მე-4 კლასელებს ახალი ცდონა და გამოცდილება შესძინა.
აღსანიშნავია, რომ ასეთი ინტერაქტიული გაკვეთილები ხელს შეუწყობს ბავშვების ლოგიკური აზროვნების, გუნდური მუშაობისა და პრაქტიკული უნარების განვითარებას.
იხილეთ ფოტოები:
