ქუთაისის N24 საჯარო სკოლაში არაერთი წარმატებული მოსწავლე სწავლობს, რომელთა მიღწევები სასკოლო საზოგადოებისთვის საამაყო და სასიხარულოა.
ამჟამად, სკოლაში მე-8 კლასის მოსწავლის - თეკლა გაბელაშვილის წარმატებას ზეიმობენ.
პატარა მოცეკვავემ ევროპის ჩემპიონატზე მეორე ადგილი დაიკავა, რითაც არა მხოლოდ საკუთარი შრომის შედეგი წარმოაჩინა, არამედ სკოლა და ქვეყნის სახელიც წარმატებით დაიცვა.
მოსწავლემ ბრწყინვალედ გაართვა თავი რთულ კონკურენციას და თავის კატეგორიაში ერთ-ერთი საუკეთესო შედეგი აჩვენა. თავდაუზოგავი შრომამ, დაგროვილმა გამოცდილებამ და შეუპოვრობამ მე-8 კლასელი ამ დიდ გამარჯვებამდე მიიყვანა.
სკოლაში მის წარმატებას განსაკუთრებული სიამაყითა და სიხარულით აღნიშნავენ.
„ვულოცავთ, ჩვენს მშრომელ გოგონას ამ უდიდეს წარმატებას“,- აღნიშნავენ სკოლაში და დასძენენ, რომ მისი გამარჯვება მოსწავლეებისთვის დიდი მოტივაციაა, რომ შრომას ყოველთვის აქვს შედეგი.
იხილეთ ფოტოები:
