სპასოვკის N1 საჯარო სკოლის გოგონათა გუნდმა მაგიდის ჩოგბურთის ჩემპიონატში პირველი ადგილი მოიპოვა
31-03-2025
ნინოწმინდის მუნიციპალიტეტის სოფელ სპასოვკის N1 საჯარო სკოლაში სპორტისა და ჯანსაღი ცხოვრების წესის პოპულარიზაციას მნიშვნელოვანი ყურადღება ექცევა, რაც მოსწავლეთა ინტერესებსა და მიღწევებზე აისახება.
„სასკოლო სპორტული ოლიმპიადა 2025"-ის ფარგლებში ქალაქ ნინოწმინდაში მაგიდის ჩოგბურთში ჩემპიონატი გაიმართა.
ჩემპიონატში ადიგენის, ასპინძის, ახალციხის, ბორჯომის, ახალქალაქისა და ნინოწმინდის გუნდები მონაწილეობდნენ.
ჩემპიონატზე, სპასოვკის N1 საჯარო სკოლის გოგონათა გუნდმა გუნდური პირველი ადგილი მოიპოვა.
სკოლაში მოსწავლეთა წარმატებით ხარობენ და მათ ახალი მწვერვალების დაპყრობას უსურვებენ.
„სკოლა ულოცავს ფიზიკური აღზრდისა და სპორტის მასწავლებელს და მოსწავლეებს ამ დიდ გამარჯვებას და წარმატებებს უსურვებს სამომავლოდ!“,- აღნიშნავენ სკოლაში.
იხილეთ ფოტოები:
სკოლების სიახლეები
