ნინოწმინდის მუნიციპალიტეტის სოფელ ეფრემოვკის საჯარო სკოლის მოსწავლეები მათემატიკას საინტერესო და სახალისო აქტივობებით სწავლობენ.
მათემატიკა არის მეცნიერება, რომელიც ეფუძნება აბსტრაგირებას, დედუქციურ მსჯელობას და სიმბოლურ ლოგიკას. ზოგჯერ მათემატიკას აღწერენ როგორც მეცნიერებას რიცხვების, გეომეტრიული ფიგურების და გარდაქმნების შესახებ.
28 მარტს, ეფრემოვკის საჯარო სკოლაში გაიმართა ღია გაკვეთილი-ღონისძიება, რომელიც „პი“-ს საერთაშორისო დღესა და გეომეტრიულ ფიგურებს მიეძღვნა.
როგორც სკოლაში გვიყვებიან, მოსწავლეებმა საკლასო ოთახი მორთეს გეომეტრიული ფიგურებით, პლაკატებითა და „პი“-სადმი მიძღვნილი ტორტებით.
მოსწავლეებმა წარმოადგინეს საინტერესო აქტივობები, სიმღერები, გამოცანები, რომლებიც ეძღვნებოდა გეომეტრიულ ფორმებს და რიცხვ „პი“-ს თვისებებს, დეტალურად წარმოადგინეს გეომეტრიული ფიგურების პერიმეტრები, ფართობები და მოცულობის გამოთვლის ფორმულები.
გაკვეთილის-ღონისძიების მიზანი იყო მოსწავლეებს შორის დამოუკიდებელი მუშაობის განვითარება გეომეტრიული ფორმების მოდელირების იდეის დანერგვა და თანამშრომლობითი გარემოს შექმნა.
„ასეთი ღია გაკვეთილები იწვევს დიდ ენთუზიაზმს არამარტო მოსწავლეებში, არამედ მასწავლებლებშიც, აძლიერებს სწავლის მოტივაციას“,- აღნიშნავენ სკოლაში.
მოსწავლეთა მაღალი ჩართულობითა და აქტიურობით წარიმართა და კიდევ ერთხელ გაუსვა ხაზი მათემატიკის მნიშვნელობას ყოველდღიურ ცხოვრებაში.
იხილეთ ფოტოები:
