ქუთაისის N38 საჯარო სკოლა ათეული წლებია დგას მოსწავლეთა განათლების სადარაჯოზე და პროფესიონალი პედაგოგიური საზოგადოება, დირექციის მხარდამხარ, უწყვეტად ზრუნავს, ბავშვებმა მიიღონ საფუძვლიანი ცოდნა. თუმცა ნაყოფიერი სასწავლო პროცესის პარალელურად, მასწავლებლებისთვის მნიშვნელოვანია ისეთი სასკოლო გარემოს შექმნა, რომელიც აღსაზრდელებს აუმაღლებს განწყობას, შეუქმნის პოზიტიურ განწყობას და კიდევ უფრო მეტად შეაყვარებს არა მხოლოდ სწავლაზე, არამედ ზოგადად სკოლას.
ამ ჰოლისტური მიდგომებიდან გამომდინარე, ქუთაისის N38 საჯარო სკოლაში მრავალფეროვანი ღონისძიებები ტარდება, რომლებშიც მოსწავლეები დიდი სიხარულითა და ენთუზიაზმით ერთვებიან.
ახლახან სკოლის მოსწავლეებმა საცირკო წარმოდგენა იხილეს, რომელმაც დიდი დღე-სასწაული შემოიტანა სასწავლო სივრცეში. ბავშვებისთვის აქტივობაში მონაწილეობა იყო სახალისო და რაც მთავარია ბედნიერების მომტანი.
ქუთაისის N38 საჯარო სკოლა მოსწავლეების მხიარულმა კისკისმა და აღფრთოვანების შეძახილებმა აავსო და ეს დღე ლამაზ მოგონებად ჩაიბეჭდა მოსწავლეთა მეხსიერებაში.
იხილეთ ფოტოები: