ცაგერის მუნიციპალიტეტის სოფელ დეხვირის საჯარო სკოლის პედაგოგები ზრუნავენ არა მხოლოდ მოსწავლეთა საგნობრივ განათლებაზე, არამედ მათი ინტელექტუალური და ანალიტიკური უნარების, ლოგიკური აზროვნების განვითარებაზე. შესაძლებლობების წარმოსაჩენად კი მათ ჩართულობას სხვადასხვა კონკურსში ახალისებენ.
ახლახან, სკოლაში გუნდური ინტელექტუალური თამაშის - „ტვინების ბრძოლა“ შიდასასკოლო ჩემპიონატი გაიმართა.
შიდასასკოლო ჩემპიონატი საინტერესოდ წარიმართა. სკოლაში ღონისძიების მიმდინარეობას ქართული ენისა და ლიტერატურის პედაგოგი თამარ ჩაკვეტაძე ხელმძღვანელობდა.
შეჯიბრებაში მონაწილეობა სხვადასხვა გუნდმა მიიღო, რომელთაც ცოდნის, ლოგიკური და სტრატეგიული აზროვნების უნარები წარმოაჩინეს.
გამარჯვება გუნდმა -„ცოდნის მაძიებლები“ მოიპოვა. გუნდის წევრებმა გამჭრიახობით, სწრაფი აზროვნებითა და გუნდური მუშაობით საუკეთესო შედეგი აჩვენეს.
თითოეულმა მონაწილე გუნდმა წარმატებით იასპარეზა. შეჯიბრი მოსწავლეებისთვის კარგ გამოცდილებად იქცა და სკოლაში მეგობრული გარემო და მხიარული ატმოსფეროც შექმნა.
„გუნდმა „ცოდნის მაძიებლები“ მართლაც დამსახურებული გამარჯვება მოიპოვეს. საინტერესო და სახალისო თამაში გამოვიდაა, დატვირთული პოზიტივითა და ემოციებით... ძალიან ყოჩაღად იასპარეზა ყველა გუნდმა...
გილოცავთ, ჩვენო პატარა ინტელექტუალებო, ჩვენო ვარსკვლავებო, წინ მუდამ გამარჯვებისკეენ!“,- აღნიშნავენ სკოლაში.
იხილეთ ფოტოები:
