საკლასო ოთახში წარმოდგენილი კახეთის ისტორია, კულტურა, სუფრის ტრადიციები და ფოლკლორი - მაღრაანის საჯარო სკოლის მოსწავლეთა შთამბეჭდავი პრეზენტაცია
01-04-2025

ახმეტის მუნიციპალიტეტის სოფელ მაღრაანის საჯარო სკოლაში პროექტებით სწავლება წარმატებით მიმდინარეობს. 

შემეცნებითი და კვლევითი პროექტები მათ საშუალებას აძლევს, ცოდნა გააღრმავონ და პრეზენტაციის უნარები განივითარონ.

მათ შორის აღსანიშნავია, პროექტი თემაზე - „კახეთი“ და მისი შთამბეჭდავი პრეზენტაცია. 

პროექტის ფარგლებში მოსწავლეებმა კახეთის ისტორია, კულტურა, ტრადიციები, გეოგრაფიული თავისებურებები და ღირსშესანიშნაობები განიხილეს.

პრეზენტაციაზე წარმოდგენილი იყო კახური სუფრის ტრადიციები, ფოლკლორი, ადგილობრივი ღვინის წარმოება.

მოსწავლეებმა სხვადასხვა კუთხით გაანალიზეს კახეთის მნიშვნელობა საქართველოს ისტორიასა და კულტურაში.

ისინი აქტიურად ჩაერთნენ დისკუსიაში, ერთმანეთს გაუზიარეს აზრები და საინტერესო დასკვნები გააკეთეს. 

„დღეს ასე იაქტიურეს ჩემმა ყოჩაღებმა“,- აღნიშნავს პედაგოგი ცისია მოსიაშვილი და ახარებს, რომ მისმა მოსწავლეებმა კიდევ ერთხელ დაამტკიცეს, რომ ახალი ცოდნის მიღება მათთვის არა მხოლოდ სასარგებლო, არამედ სასიამოვნო პროცესიცაა.

აღსანიშნავია, რომ ასეთი პროექტები ხელს უწყობს ბავშვებში შემოქმედებითი აზროვნების განვითარებას.

იხილეთ ვიდეო:

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203
Loading...