ამბროლაურის მუნიციპალიტეტის სოფელ თლუღის საჯარო სკოლაში, საქართველოს ეროვნული ბანკის ეგიდით მიმდინარე პროექტის -„ფინედუს ტრენერის“ ფარგლებში, მასწავლებლებისა და მოსწავლეებისთვის გაიმართა ტრენინგი ფინანსური განათლების შესახებ.
ტრენინგი სკოლაში 28 მარტს ჩატარდა და სასკოლო საზოგადოების მაღალი ჩართულობით წარიმართა.
პროექტის მხარდამჭერები არიან საქართველოს ეროვნული ბანკის ფინანსური განათლების მიმართულება „ფინედუ“ და საქართველოს ბანკი. ტრენინგს უძღვებოდა „ფინედუს ტრენერი“, თლუღის საჯარო სკოლის მასწავლებელი ფიქრია მუსერიძე.
ტრენინგის საკითხს წარმოადგენდა „საბანკო პროდუქტები და ტერმინები“. მოსწავლეები და მასწავლებლები აქტიურად ჩაერთვნენ სწავლებაში.
მონაწილეებმა მიიღეს ინფორმაცია საქართველოს ეროვნული ბანკის და „ფინედუს“ ფუნქციების შესახებ, ჩაერთნენ დისკუსიაში თუ რატომ არის მნიშვნელოვანი მოსახლეობის ფინანსური განათლების დონის ამაღლება. სახალისო აქტივობებით გაეცნენ საბანკო პროდუქტებსა და ტერმინებს, გააზიარეს საკუთარი ცოდნა და გამოცდილება.
ტრენინგის შეჯამების დროს თლუღის საჯარო სკოლის დირექტორმა, მარინა გოცირიძემ აღნიშნა, რომ მსგავსი შეხვედრები ძალიან მნიშვნელოვანია ყველა ასაკის ადამიანისთვის, განსაკუთრებით მოსწავლეებისთვის, სწორი ფინანსური გადაწყვეტილებების მისაღებად.
იხილეთ ფოტოები:
