გორის მუნიციპალიტეტის, ზერტის საჯარო სკოლაში მოსწავლეთა მრავალმხრივ განვითარებას განსაკუთრებული ყურადღება ეთმობა და აქედან გამომდინარე, მასწავლებელთა აქტიური ჩართულობით, ხარისხიანი საგაკვეთილო პროცესის მიმდინარეობის პარალელურად, ბავშვები წარმატებით მონაწილეობენ შემეცნებით, საგანმანათლებლო და ასევე გარემოსდაცვით პროექტებში.
ახლახან, ტყის საერთაშორისო დღის ფარგლებში, ეკოკლუბ „მწვანე მომავლის ორგანიზებით“, მე-5 „ა“ და მე-5 „ბ“ კლასების მოსწავლეებთან გაიმართა საინფორმაციო ხასიათის შეხვედრა.
ეკოკლუბის წევრებმა მოსწავლეებთან ისაუბრეს ტყის მნიშვნელობისა და მის მოვლა-გაშენება-დაცვის შესახებ საქართველოში.
როგორც ზერტის საჯარო სკოლაში გვიამბობენ, შეხვედრაზე მეხუთეკლასელებმა წარმოადგინეს პლაკატი - „საქართველოს ტყეები“, რომელშიც გადმოცემული გახლდათ ინფორმაცია საქართველოს ტყეების ტიპებისა და ბიომრავალფეროვნების შესახებ.
აქტივობაში მონაწილეობა საინტერესო აღმოჩნდა - ბავშვებს საშუალება მიეცათ, გამოევლინათ საკუთარი შესაძლებლობები, მიეღოთ საინტერესო ინფორმაციები და თავადაც გაეზიარებინათ ცოდნა გარემოსდაცვითი მიმართულებით.
