რატომ ჭრელი წინდა? - ბოდბის საჯარო სკოლის მეშვიდე კლასში პედაგოგებმა საინფორმაციო შეხვედრა ჩაატარეს
02-04-2025
სიღნაღის მუნიციპალიტეტის სოფელ ბოდბის საჯარო სკოლის მეშვიდე კლასის მოსწავლეებმა დაუნის სინდრომის საერთაშორისო დღე აღნიშნეს.
მეშვიდე კლასის დამრიგებელმა მანანა გოჩიტაშვილმა და ბიოლოგიის მასწავლებელ მაია კოჭლამაზაშვილთან ერთად მოსწავლეებისთვის საინფორმაციო შეხვედრა ჩაატარეს დაუნის სინდრომთან დაკავშირებით.
„ჩვენ მზის შვილები ვართ" - ამ ლოზუნგის ფარგლებში გააერთიანეს მოსწავლეებმა მათ მიერ მოძიებული ინფორმაციებიც. ასევე, პედაგოგმა განუმარტეს მოსწავლეებს რა საერთო აქვს ჭრელ წინდებს დაუნის სინდრომის დღესთან.
რატომ ჭრელი წინდა? - წინდა ქრომოსომას ჰგავს და ჭრელმა წინდებმა მსოფლიოს მასშტაბით არაერთ ადამიანამდე მიიტანა ინფორმაცია დაუნის სინდრომის შესახებ.
21 მარტი, დაუნის სინდრომის საერთაშორისო დღეა.დაუნის სინდრომი არის ადამიანის გენეტიკური მდგომარეობა, როდესაც ყველა უჯრედში 46 ქრომოსომის ნაცვლად, 47 ქრომოსომაა. ეს მისი ბუნებრივი მდგომარეობაა, აქედან გამომდინარე, დაუნის სინდრომი დაავადება არ არის.
მსოფლიოს მრავალ ქვეყანაში ამ დღეს, დაუნის სინდრომის შესახებ ცნობადობის ამაღლების მიზნით სხვადასხვა ღონისძიებები იმართება, მათ რიცხვშია საქართველოც.
იხილეთ ფოტოები:
სკოლების სიახლეები
