ლანჩხუთის მუნიციპალიტეტის სოფელ ნინოშვილის საჯარო სკოლის დირექცია და პედაგოგები მოსწავლეთა ჩართულობას სხვადასხვა საგანმანათლებლო ინიციატივაში მხარს უჭერენ და ახალისებენ. მოტივირებული მოსწავლეები კი აქტიურობით გამოირჩევიან.
ახლახან, ნინოშვილის საჯარო სკოლის მოსწავლეებმა მონაწილეობა მიიღეს ამერიკის შეერთებული შტატების საელჩოს მიერ გამოცხადებული საზაფხულო კითხვის გამოწვევაში.
პროექტს ადგილზე ზედამხედველობას უწევდა ლანჩხუთის მუნიციპალიტეტის სოფელ ჩოჩხათის საჯარო სკოლასთან არსებული „წიგნის კლუბი“ (ხელმძღვანელი - ნათია ღლონტი).
ღონისძიების ფარგლებში მოსწავლეებმა წაიკითხეს მხატვრული ლიტერატურა, შესაბამისი მონაცემები გადაგზავნილი იქნა პროექტის ორგანიზატორებთან.
ნინოშვილის სკოლის მე-6 კლასის მოსწავლეების - ანი მარგალიტაძის და ლიზი ჩხარტიშვილის, ასევე მე-9 კლასის მოსწავლის - ლიზი წერეთლის წაკითხული წიგნების რაოდენობა შეფასდა „ოქროს“ სერტიფიკატებით.
როგორც სკოლაში გვეუბნებიან, მოსწავლეებს გაუჩნდათ მოტივაცია, კიდევ უფრო მეტი წიგნი წაიკითხონ სამომავლოდ.
„სკოლა წარმატებას უსურვებს თავის მოსწავლეებს ფორმალური და არაფორმალური განათლების აქტივობებში“,- აღნიშნავენ სკოლაში.
იხილეთ ფოტო:
