ქუთაისის N38 საჯარო სკოლა მოსწავლეთა მრავალმხრივ განვითარებაზე ზრუნავს.
სკოლაში ამჟამად მოსწავლეებისთვის მიმდინარეობს საინტერესო და ინტერაქტიური ტრენინგი, რომელიც მიზნად ისახავს მათი პრაქტიკული უნარების განვითარებას და პროფესიული ორიენტაციის ხელშეწყობას.
ტრენინგ-პროგრამა მოიცავს მრავალფეროვან თემატიკას, რომელიც მოსწავლეებს ეხმარება კომუნიკაციის, კრეატიული აზროვნების, დროის მართვის, ლიდერობისა და გუნდური მუშაობის უნარების გაღრმავებაში.
სატრენინგო პროცესში ბავშვები ჩართულნი არიან აქტიურად — ისინი ასრულებენ ჯგუფურ დავალებებს, მონაწილეობენ დისკუსიებში, ცვლიან გამოცდილებას.
ტრენინგის მიმდინარეობისას განსაკუთრებით იგრძნობა მოზარდების ინტერესი და ჩართულობა, რაც პროცესს დინამიკურსა და შედეგზე ორიენტირებულს ხდის.
მოსწავლეები ხალისით ასრულებენ ჯგუფურ დავალებებს.
ტრენინგი არამხოლოდ ცოდნის მიღების, არამედ საკუთარი თავის აღმოჩენისა და უნარების დახვეწის სივრცეა.
მსგავსი ინიციატივები მნიშვნელოვან როლს ასრულებენ მოსწავლეთა განათლებასა და პიროვნულ ზრდაში.
იხილეთ ფოტოები:
