ქუთაისის N40 საჯარო სკოლის მოსწავლეთა ნამუშევრები პარიზში გამოიფინა
07-04-2025
ქუთაისის N40 საჯარო სკოლაში მოსწავლეთა შემოქმედებითობა წახალისებული და მხარდაჭერილია.
სკოლის მოსწავლეები: ხატია ბაკურაძე, ლიზი ვაშაყმაძე და ლილე დვალიშვილი იმყოფებოდნენ პარიზში, მოსწავლე მხატვრების გამოფენაზე.
გოგონები ქუთაისის ახალგაზრდული ცენტრის მოსწავლეებიც არიან. ისინი ღირსეულად წარდგნენ ფრანგი დამთვალიერებლის წინაშე.
ხატია და ლიზი მე-9ა კლასის მოსწავლეები არიან, მათი დამრიგებელი თეა მეშველიანი გახლავთ, ლილე კი მე-10ბ კლასში სწავლობს, მისი დამრიგებლია ვალიდა კვირიკაშვილი.
გამოფენის გახსნას დაესწრნენ საფრანგეთში მცხოვრები უკრაინელი ბავშვებიც.
სკოლა მადლობას უხდის თანამშრომლობისთვის ქუთაისის ახალგაზრდულ ცენტრს, პარიზში საგამომცემლო სახლ „მედუზას“ და საფრანგეთში საქართველოს საელჩოს მხარდაჭერისთვის.
იხილეთ ფოტოები:
სკოლების სიახლეები
