ნინოწმინდის მუნიციპალიტეტის სოფელ ოროჯალარის საჯარო სკოლაში, სლავური დღესასწაულის - „მასლენიცსადმი“ მიძღვნილი ღონისძიება გაიმართა.
აღმოსავლეთ სლავური რელიგიური და ხალხური დღესასწაული ზამთრის დასასრულსა და გაზაფხულის დაწყებას უკავშირდება.
ამ დღესთან დაკავშირებით, სკოლაში რუსული ენის მასწავლებელმა - ნარინე ჯაგაცპანიანმა ჩაატარა საგანმანათლებლო და კულტურული ღონისძიება სახელწოდებით - „მასლენიცა“, რომელიც მიზნად ისახავდა მოსწავლეებისათვის დღესასწაულის გაცნობას და მათთვის ენის შესწავლის პროცესის უფრო საინტერესოდ წარმართვას. ღონისძიებაში მონაწილეობდნენ მე-5 კლასის მოსწავლეები, რომლებმაც დიდი მონდომებით მოამზადეს და წარადგინეს ლექსები და სიმღერები რუსულ ენაზე.
მოსწავლეებმა არა მხოლოდ ენობრივი უნარები გამოავლინეს, არამედ გაეცნენ დღესასწაულის ტრადიციებს.
იხილეთ ფოტოები:
