ალერტკარის საჯარო სკოლა ცხოვრების ჯანსაღი წესის სადარაჯოზე - სპორტულ დარბაზს რეაბილიტაცია ჩაუტარდა
04-04-2025

ზუგდიდის მუნიციპალიტეტის, ალერტკარის საჯარო სკოლაში მოსწავლეთა მრავალმხრივ განვითარებას განსაკუთრებული ყურადღება ეთმობა და აქედან გამომდინარე, მასწავლებელთა  ჩართულობით, ხარისხიანი საგაკვეთილო პროცესის მიმდინარეობის პარალელურად, ბავშვები წარმატებით მონაწილეობენ შემეცნებით, საგანმანათლებლო აქტივობებში.

თუმცა ალერტკარის საჯარო სკოლის ადმინისტრაციისა და პედაგოგებისთვის, არანაკლებ პრიორიტეტულია ცხოვრების ჯანსაღი წესის პოპულარიზაცია და მოსწავლეთა დაინტერესება სპორტით.

ამიტომ გასაკვირი სულაც არაა, დირექტორი, თამარ ივარდავა მაქსიმალურად რომ ცდილობს, მოსწავლეებს ჰქონდეთ მოწესრიგებული ინფრასტრუქტურა, სპორტული დარბაზიც ისე იყოს მოწყობილი, არა მხოლოდ გაკვეთილის ფარგლებში, არამედ დასვენებებზეც ბავშვებს ჰქონდეთ მოტივაცია, მისდიონ ცხოვრების ჯანსაღ წესს.

ახლახან, ალერტკარის საჯარო სკოლის დირექტორის, თამარ ივარდავას გადაწყვეტილებით, სკოლის სპორტულ დარბაზს ჩაუტარდა კოსმეტიკური სამღებრო სამუშაოები, რომელშიც აქტიური მონაწილეობა მიიღეს ამავე სკოლის სპორტის მასწავლებლებმა  - მურთაზ ლაგვილავამ და ნუკრი ბერიშვილმა, სკოლაში კი დარწმუნებულნი არიან, რომ დახვეწილი სპორტული ინტერიერი ხელს შეუწყობს მოსწავლეთა მოტივაციის ამაღლებას.



იხილეთ ფოტოები:

 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203
Loading...