ჭივჭავის საჯარო სკოლაში პროექტის „სოფლის მდგრადი განვითარება თეთრიწყაროს მუნიციპალიტეტში“ (ENPARD-თეთრიწყარო) ფარგლებში „ახალგაზრდა ფერმერთა ცენტრის“ (YFC) შესახებ საინფორმაციო შეხვედრა გაიმართა. 

შეხვედრის მიზანი იყო ჭივჭავის სკოლის მოსწავლეთათვის ცენტრის მიზნების, შესაძლებლობების და შეთავაზებების გაცნობა. 

შეხვედრა ინტერაქციულ რეჟიმში გაიმართა. 

შეხვედრის ბოლოს მოსწავლეები ცენტრის წევრები გახდნენ. 

ახალგაზრდა ფერმერთა ცენტრი (YFC), ეს არის RDFG-ს მოდელი, რომელიც აერთიანებს სოფლად მცხოვრებ ახალგაზრდებს და მათ თანამედროვე სოფლის მეურნეობის უპირატესობებს აცნობს.

ცენტრების მიზანია, ახალგაზრდებმა საკუთარი მომავალი სოფელში დაინახონ და დიდ ქალაქებში მიგრაცია ერთადერთ ალტერნატივად აღარ განიხილონ. 

ახალგაზრდები სწავლობენ მოქალაქეთა ინტერესების დაცვას, სამოქალაქო ჩართულობას, ლიდერობას, მეწარმეობას და ეცნობიან ინოვაციურ ტექნოლოგიებს სოფლის მეურნეობის სფეროში. 

თეთრიწყაროში ახალგაზრდა ფერმერთა ცენტრები ფუნქციონირებს RDFG ეგიდით.

იხილეთ ფოტოები