ასპინძის მუნიციპალიტეტის სოფელ ხიზაბავრის საჯარო სკოლაში სასწავლო პროცესი გაჯარებულია საინტერესო საგანმანათლებლო ინიციატივებით, რაც მოსწავლეთა მოტივაციაზე დადებითად აისახება.
სკოლაში საინტერესო ინიციატივის - „თანატოლგანმანათებლის“ ფარგლებში, ინგლისური ენის პედაგოგის - ანი წიკლაურის ხელმძღვანელობით მე-9 კლასელებმა მეხუთე კლასის მოსწავლეებს ჩაუტარეს გაკვეთილი-პროექტი თემაზე - „მასწავლებლობა, როგორც ერთ-ერთი საინტერესო პროფესია“.
მოსწავლეებმა გაკვეთილი მეტად საინტერესოდ წარმართეს და მიმართეს მრავალფეროვან აქტივობებს.
გაკვეთილზე გამოყენებული იყო შემდეგი აქტივობები: ტექსტის წაკითხვა, უცხო სიტყვების შესწავლა/განმტკიცება, საშინაო დავალებების განხილვა.
ორივე კლასის მოსწავლეებმა გააკეთეს უკუკავშირი, რა მოეწონათ, რა იყო დასახვეწი და შესაცვლელი.
პროექტ-გაკვეთილი მოსწავლეებისთვის სასწავლო შემეცნებითთან ერთად სახალისო და თავშესაქცევი აღმოჩნდა.
იხილეთ ფოტოები:
