ნინოწმინდის მუნიციპალიტეტის სოფელ აიტიას სპორტულ დარბაზში სპორტის საერთაშორისო დღისადმი მიძღვნილი აქტივობები გაიმართა და ფრენბურთის ტურნირი ჩატარდა, რომელშიც მონაწილეობა ნინოწმინდის N1 საჯარო სკოლის მოსწავლეებმაც მიიღეს.
„ღონისძიებაში ნინოწმინდის მუნიციპალიტეტის სკოლების გოგონათა და ვაჟთა 10-ზე მეტმა ჯგუფმა მიიღო მონაწილეობა და სიამაყით შეგვიძლია გაცნობოთ რომ ნინოწმინდის N1 სახელმწიფო სკოლის გოგონათა გუნდმა ბრწყინვალე გამარჯვება მოიპოვა და ტურნირში პირველი ადგილი დაიკავა“, - აღნიშნულია სკოლის დირექციის მიერ მოწოდებულ ინფორმაციაში.
სკოლის დირექტორი და პედაგოგები ამ გამარჯვებას ულოცავენ მოსწავლეებს და წინ უფრო დიდ გამარჯვებებს უსურვებენ.
აქვე აღსანიშნავია, რომ მსოფლიო სპორტის დღეს 2014 წლიდან აღნიშნავს. თარიღი 6 აპრილი კი თანამედროვე ოლიმპიური თამაშების დაწყებას უკავშირდება. 1896 წელს საბერძნეთის დედაქალაქ ათენში ოფიციალურად გაიხსნა თანამედროვეობის პირველი ოლიმპიური თამაშები.
იხილეთ ვიდეო და ფოტოები:
