ახალქალაქის მუნიციპალიტეტის, ბარალეთის N1 საჯარო სკოლა, ხარისხიანი საგაკვეთილო პროცესის მიმდინარეობის პარალელურად, მოსწავლეებს მრავალფეროვან აქტივობებს სთავაზობს, რომლებიც ბავშვებს მოტივაციის ამაღლებაში ეხმარება.
ახლახან, ბარალეთის N1 საჯარო სკოლაში, პედაგოგის - მანუშაკ ჩთჩიანის ხელმძღვანელობით, ჩატარდა ღონისძიება, რომელიც გაზაფხულის შემობრძანებასა და „დედის დღეს“ მიეძღვნა.
აქტივობის ფარგლებში, მოსწავლეებმა წაიკითხეს ლექსები შეასრულეს ცეკვები, სიმღერები და კიდევ ერთხელ, მადლობა გადაუხადეს დედებს და მასწავლებლებს ამაგისთვის.
ამ ღონისძიებით, ბარალეთის N1 საჯარო სკოლის მოსწავლეებმა დაუვიწყარი ემოციები აჩუქეს ცხოვრების უმნიშვნელოვანეს ადამიანებს.
როგორც სკოლაში გვიამბობენ, აქტივობა იმდენად ემოციური გახლდათ, მშობლები და პედაგოგები ცრემლებს ვერ იკავებდნენ, თავად ბავშვებმა კი კიდევ ერთხელ, ხმამაღლა უთხრეს დედიკოებს, რომ ისინი ძალიან უყვართ.
