ავთანდილ დეკანოიძის სახელობის ქუთაისის N32 საჯარო სკოლის მე-3გ კლასის მოსწავლეებისთვის ჩატარდა დედის დღისადმი მიძღვნილი გაკვეთილი, რომელიც ქართული ლიტერატურისა და მათემატიკის საოცარ სინთეზს წარმოადგენდა.
„პატარა გულებმა, სიყვარულით სავსე თვალებით, თავიანთ დედებს განსაკუთრებული საჩუქარი - ემოციური მოგზაურობა ლაბირინთში მიუძღვნეს. გაკვეთილი დაიწყო ი. გოგებაშვილის მოთხრობის „დაკარგული ბავშვი“ წაკითხვით. ლაბირინთი კი არა მარტოო მათემატიკურ ამოცანებს, არამედ დედის დაკარგვის ტკივილს და სიყვარულის ძალას აერთიანებდა. ლაბირინთის ბოლოს, თითოეულმა ბავშვმა თავისი დედა იპოვა. ეს იყო ემოციური მომენტი, რომელიც ადასტურებდა დედისა და შვილის უპირობო სიყვარულს. ამ გაკვეთილმა კიდევ ერთხელ დაგვანახა, თუ რამდენად მნიშვნელოვანია დედის სიყვარული და მხარდაჭერა ჩვენს ცხოვრებაში“, - აღნიშნულია სკოლის მიერ მოწოდებულ ინფორმაციაში.
იხილეთ ფოტოები:
