14 აპრილს საქართველოში დედა ენის დღე აღვნიშნავთ. ამ უმნიშვნელოვანეს თარიღს ჩოხატაურის მუნიციპალიტეტის სოფელ იანეულის საჯარო სკოლაში კვირეული მიეძღვნა.
პატრიოტული სულისკვეთებით განმსჭვალული ღონისძიებების სერია მეტად საინტერესოდ წარიმართა და ემსახურებოდა მოსწავლეთა ეროვნული თვითშეგნების ამაღლებას, სახელმწიფო ენის მნიშვნელობის გააზრებას ერის თვითმყოფადობის შენარჩუნებაში.
კვირეულის ბოლოს სკოლაში მოსწავლეთა დაჯილდოების ცერემონიალი გაიმართა. მოსწავლეებს კვირეულში აქტიური მონაწილეობისთვის სიგელები გადაეცათ.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტოები:
