თბილისის N28 სკოლის მე-2 კლასელმა, ლილე ამირანაშვილმა ინგლისური ენის ოლიმპიადის ფინალში პირველი ხარისხის დიპლომი მოიპოვა
22-04-2025
თბილისის N28 საჯარო სკოლაში მოსწავლეთა ჩართულობა სხვადასხვა კონკურსსა თუ საგანმანათლებლო ღონისძიებაში წახალისებული და მხარდაჭერილია. აქტიურ და მოტივირებულ მოსწავლეთა სახელზე კი არაერთი წარმატებაა.
ამჟამად სკოლაში, მე-2 კლასელი ლილე ამირანაშვილის წარმატებით ხარობენ.
„კინგსის“ ინგლისური ენის ოლიმპიადის ფინალში მეორე კლასის მოსწავლე ლილე ამირანაშვილმა ერთ-ერთი საუკეთესო შედეგი აჩვენა და მოიპოვა პირველი ხარისხის დიპლომი.
სკოლაში მე-2 კლასელს წარმატებას ულოცავენ და ცოდნის ახალი მწვერვალების დაპყრობას უსურვებენ.
„ვულოცავთ ლილეს და ვუსურვებთ შემდგომ წარმატებებს“,- აღნიშნავენ სკოლაში.
მოსწავლის ინგლისური ენის პედაგოგი ქეთევან დავლიანიძე გახლავთ, რომელიც მოსწავლეს ხარისხიან განათლებას სთავაზობს.
იხილეთ ფოტოები:
სკოლების სიახლეები
