ახალქალაქის N1 საჯარო სკოლის პედაგოგები მოსწავლეებს მრავალფეროვან შემეცნებით აქტივობებს მუდმივად სთავაზობენ, რათა მომავალი თაობებისთვის სწავლა იყოს საინტერესო, სახალისო და ამ ჰოლისტური მიდგომების თვალსაჩინო მაგალითი გახლავთ შემეცნებითი პროექტები - სწორედ მათი საშუალებით წარმოაჩენენ მოსწავლეები საგაკვეთილო პროცესის მიმდინარეობისას მიღებულ ცოდნას.
ახლახან ახალქალაქის N1 საჯარო სკოლის მოსწავლეებმა, ქართული ენისა და ლიტერატურის გაკვეთილი ნამდვილ დღე-სასწაულად აქციეს - ღია გაკვეთილის ფარგლებში წარმოადგინეს მრავალფეროვანი, შემეცნებითი პრეზენტაცია თემაზე - „მოდა და სტილი“.
ბავშვებმა ისაუბრეს მოდის სამყაროს კორიფეებზე, იმიჯის მნიშვნელობასა და დანიშნულებაზე ადამიანის ცხოვრებაში, განიხილეს აქტუალური ტენდენციები და კიდევ ერთი დაუვიწყარი დღე აჩუქეს მშობლიურ სკოლას.
