მარტუნის საჯარო სკოლის პედაგოგების ხელმძღვანელობით ჩატარდა ღონისძიება „დედაენის დღე“
17-04-2025
ახალქალაქის მუნიციპალიტეტის მარტუნის საჯარო სკოლის პედაგოგების ხელმძღვანელობით ჩატარდა ღონისძიება „დედაენის დღე“.
მოსწავლეებმა ღონისძიების დასაწყისში დედაენის დღის მნიშვნელობასა და ქართული ენის მრავალსაუკუნოვანი ისტორიის შესახებ ისაუბრეს.მათ ასევე შეასრულეს საქართველოს ჰიმნი,წაიკითხეს ლექსები და მუსიკალური ნომრები შეასრულეს.
14 აპრილს საქართველო დედაენის დღეს აღნიშნავს. 1978 წლის 14 აპრილს თბილისში, რუსთაველის გამზირზე, გამოსული რამდენიმე ათასი ადამიანი წინ აღუდგა საბჭოთა კავშირის ხელმძღვანელობის ნებას და არ დაუშვა საბჭოთა კონსტიტუციაში შესულიყო ცვლილება, რომლის მიხედვით, ქართული ენა კარგავდა სახელმწიფო ენის სტატუსს.
იხილეთ ფოტოები:
სკოლების სიახლეები
