ზაზა ფერაძის სახელობის ზესტაფონის მუნიციპალიტეტის სოფელ შორაპნის საჯარო სკოლაში მოსწავლეთა შემოქმედებითი ნიჭისა და უნარების განვითარების მიზნით, არაერთი აქტივობა თუ ღონისძიება ეწყობა.
მათ შორის, დაწყებითი კლასების მოსწავლეებმა, საკუთარი ხელით შექმნეს სააღდგომო აქსესუარები და მოაწყვეს ნამუშევრების გამოფენა.
ბავშვებმა მოტივაციითა და ენთუზიაზმით იმუშავეს სხვადასხვა ნივთზე - მათ შორის იყო, მოხატული კვერცხები, სააღდგომო კალათები და თემატურად გაფორმებული დეკორაციები.
თითოეული ნამუშევარი გამოირჩეოდა ორიგინალურობით, ასახავდა ბავშვების ინდივიდუალურ ხედვასა და ფანტაზიას. გამოფენამ არა მხოლოდ გაალამაზა სკოლის სივრცე, არამედ შექმნა სააღდგომო განწყობა და შესაძლებლობა მისცა მოსწავლეებს, ერთმანეთის ნიჭი და შრომა დაეფასებინათ.
გამოფენას სასკოლო საზოგადოების დიდი მოწონება მოჰყვა, რაც მეტ მოტივაციას აძლევს ბავშვებს, მომავალშიც აქტიურად ჩაერთონ მსგავს შემოქმედებით აქტივობებში.
იხილეთ ფოტოები:
