წალენჯიხის მუნიციპალიტეტის ლიის თემის N2 საჯარო სკოლის მოსწავლეები ეროვნულ ღირებულებებსა და პატიოტულ მოტივებზე იზრდებიან, ცხადია სკოლაში ქვეყნისთვის მნიშვნელოვანი თარიღებიც განსაკუთრებულად აღინიშნება.
სკოლაში, დედაენის დღესთან დაკავშირებით შემოქმედებითი კვირეული გაიმართა.
დაწყებითი კლასების პედაგოგების - ლანა კაკაჩიას, თამილა ჭაჭუას, თამუნა სამუშიას, ქართული ენისა და ლიტერატურის მასწავლებლების - ასმათ კვარაცხელიას, შორენა გოგოხიასა და ისტორიისა და სამოქალაქო განათლების პედაგოგ ლელა ლუკავას ინიციატივით, მრავალი აქტივობა დაიგეგმა და წარმატებით განხორციელდა.
მოეწყო ფილმების ჩვენება, დისკუსია, მხატვრული კითხვის საღამო, კალიგრაფიის კონკურსი, ჩატარდა საინტერესო და სახალისო ვიქტორინა. კვირეული კი დაწყებითი კლასების მოსწავლეებმა ლამაზი და შთამბეჭდავი ღონისძიებით დააგვირგვინეს.
კვირეული მოსწავლეთა მაღალი ჩართულობითა და აქტიურობით წარიმართა და ნაყოფიერი აღმოჩნდა თითოეული მოსწავლისთვის.
იხილეთ ფოტოები:
