ნინოწმინდის მუნიციპალიტეტის სოფელ უჩმანის საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით. აქტიურად აღინიშნება მნიშვნელოვანი თარიღები და მოვლენები. რა თქმა უნდა, მოსწავლე-მასწავლებელთა ყურადღების მიღმა არ დარჩენილა ქართული ენის დღე.
საქართველოს ამ უმნიშვნელოვანეს ეროვნულ დღესასწაულს სკოლაში კვირეული მიეძღვნა.
კვირეულის ფარგლებში არაერთი საგანმანათლებლო აქტივობა თუ ღონისძიება გაიმართა, რაც ემსახურებოდა დედაენის დღის მნიშვნელობის გააზრებას და ქართული ენის სილამაზის ხაზგასმას.
მათ შორის ჩატარდა კალიგრაფიისა და კითხვის კონკურსი, რომელშიც მონაწილეები დიდი მონდომებით ჩაერთნენ და ნიჭი და შესაძლებლობები წარმატებით წარმოაჩინეს.
გამარჯვებულებს სკოლის დირექტორმა მანუშაკ ხაჩატრიანმა სიგელები გადასცა
სიგელებით დაჯილდოვდნენ ასევე პირველი კლასის მოსწავლეები კალიგრაფიის კონკურსში მონაწილეობისათვის.
კონკურსს ორგანიზება გაუწიეს მასწავლებლებმა - მარიამ ჯვარიძემ და ჟენია თუმასიანმა.
იხილეთ ფოტოები:
