ოზურგეთის N1 საჯარო სკოლაში მოსწავლეთა პატიორტული სულისკვეთების ამაღლებას მნიშვნელოვანი ყურადღება ექცევა. ამ მიზნით კი არაერთი ღონისძიება იმართება.
რა თქმა უნდა, მოსწავლე-მასსწავლებელთა ყურადღების მიღმა არ დარჩენილა 9 აპრილი, საქართველოს უახლესი ისტორიის ერთ-ერთი ყველაზე ტრაგიკული დღე, რომელმაც საფუძველი დაუდო საქართველოს დამოუკიდებლობას.
„აწმყო შობილი წარსულისაგან არის მშობელი მომავალისა!“- ეს სიტყვები ლაიტმოტივად გასდევდა მე-9ბ კლასში გამართულ კლასის საათს, რომელიც მოსწავლეებისთვის მეტად ამაღელვებელი და ივავდროულად შემეცნებითი აღმოჩნდა.
მათ, დამრიგებელ თამარ კაჭარავას ხელმძღვანელობით, პატივი მიაგეს საქართველოს თავისუფლებისთვის დაღუპულთა ხსოვნას.
შეგახსენებთ, რომ 1989 წლის 9 აპრილს გამთენიისას თბილისში, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია დაარბიეს. შედეგად, დაიღუპა 21 ადამიანი, 2000-ამდე პირი კი მოიწამლა. ზუსტად 2 წლის შემდეგ, საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ტრაგედიისა და ამავდროულად, საქართველოს დამოუკიდებლობის აღდგენის დღედ ჩაეწერა.
იხილეთ ფოტოები:
