ხობის მუნიციპალიტეტის, ჭალადიდის საჯარო სკოლის პროფესიონალი პედაგოგიური საზოგადოება, უწყვეტად ზრუნავს მოსწავლეებმა მიიღონ საფუძვლიანი განათლება და ამ მიმართულებით, ხარისხიანი საგაკვეთილო პროცესის მიმდინარეობის პარალელურად, აღსაზრდელებს მრავალფეროვან შემეცნებით-საგანმანათლებლო აქტივობებს სთავაზობენ.
აქვე აღსანიშნავია, რომ ჭალადიდის საჯარო სკოლაში წარმატებით მიმდინარეობს საგან „სამხედრო საქმის“ სწავლება, რომელიც მოსწავლეთა პატრიოტული სულისკვეთების ამაღლებას ემსახურება.
ახლახან ჭალადიდის საჯარო სკოლის მოსწავლეები, პედაგოგებთან ერთად, ესტუმრნენ დასავლეთ საქართველოს სარდლობის მეორე ქვეით ბრიგადას - ვიზიტის ფარგლებში მათ დაათვალიერეს სამხედრო ინფრასტრუქტურა, გაეცნენ სამხედროების ყოველდღიურ ცხოვრებას და მიიღეს საინტერესო ინფორმაცია ქვეყნის თავდაცვის ძალებზე.
„შეხვედრა პატრიოტული სულისკვეთებით გამორჩეული და შთაბეჭდილებებით დატვირთული იყო“, - აღნიშნულია სკოლის მიერ გავრცელებულ ინფორმაციაში.
