სენაკის მუნიციპალიტეტის სოფელ ნოქალაქევის საჯარო სკოლის პედაგოგები სწავლებისას სხვადასხვა მეთოდებსა და მრავალფეროვან აქტივობებს სთავაზობენ, რაც მოსწავლეთა მოტივაციასა და ცოდნის ხარისხზე აისახება.
22 აპრილს, ნოქალაქევის საჯარო სკოლის მე-9 კლასში, ჩატარდა ღია გაკვეთილი მუსიკაში - მუსიკა საზოგადოებაში და საზოგადოება მუსიკაში.
სასწავლო პროცესს ხელმძღვანელობდა მუსიკის მასწავლებელი ლამზირა ბოკუჩავა, რომელმაც მოსწავლეები არაერთ საინტერესო აქტივობაში ჩართო.
გაკვეთილის თემა გახლდათ - „სოციალური კატაკლიზმები და ქველმოქმედება მუსიკაში“.
გაკვეთილის მიზანი იყო თანამედროვე გამოწვევებისა და საზოგადოებისათვის აქტუალური პრობლემების მიმართ საკუთარი პოზიციის გამოხატვაში მოსწავლის დახმარება.
ღია გაკვეთილი საინტერესოდ წარიმართა. მოსწავლეები აქტიურად ჩაერთნენ საგაკვეთილო პროცესში.
იხილეთ ვიდეო ბმულზე:
