ახალქალაქის მუნიციპალიტეტის სოფელ დიდი სამსარის საჯარო სკოლაში სასწავლო პროცესი გაჯერებულია მრავალფეროვანი ღონისძიებებით, რაც როგორც მოსწავლეთა საგნობრივი ცოდნის ამაღლებას, ისე მათი შემოქმედებითი ნიჭისა და უნარების წარმოჩენა-განვითარებას ემსახურება. 

სკოლაში აღდგომის ბრწყინვალე დღესასწაულს გამორჩეული ღონისძიება მიეძღვნა. 

მე-8, მე-9, მე-10 და მე-11 კლასების მოსწავლეები დამსწრე საზოგადოების წინაშე მრავალფეროვანი სანახაობით წარდგნენ, შეასრულეს ქართული სიმღერები და საცეკვაო ნომრები. 

ღონისძიების ბოლოს მოსწავლეებმა წითელი კვერცხები შეაჭიდეს. 

ღონისძიებას მასწავლებელი სონია ისოიანი ხელმძღვანელობდა. 

იხილეთ ფოტოები და ვიდეო: