ნინოწმინდის მუნიციპალიტეტის სოფელ ეფრემოვკის საჯარო სკოლაში სომეხთა გენოციდის მსხვერპლთა ხსოვნას პატივი მიაგეს. 

სკოლის მასწავლებელმა - ნაზელი ბაბაჯანიანმა სომეხთა გენოციდის 110 წლისთავისადმი მიძღვნილი  ღონისძიება მოაწყო.

მოსწავლეებმა წარმოადგინეს ისტორიული ფაქტები, უყურეს დოკუმენტური ფილმების მნიშვნელოვან ეპიზოდებს.

ღონისძიების ბოლოს დამსწრეებმა წუთიერი დუმილით პატივი მიაგეს სომეხთა გენოციდის უდანაშაულო მსხვერპლთა ხსოვნას.

აღსანიშნავია, რომ 24 აპრილს, 1915 წლის ტრაგიკული მოვლენებიდან 110 წელი გავიდა.

იხილეთ ფოტოები: