მუზეუმის საერთაშორისო დღესთან დაკავშირებით ერგეს საჯარო სკოლის მე-8 ა კლასმა საზოგადოებრივი მეცნიერებების კათედრის წევრებთან ერთად ექსკურსია მაჭახელას, მეჯინისწყლის ეთნოგრაფიულ და ბათუმის არქეოლოგიურ მუზეუმებში მოაწყო. 

ორგანიზატორი კლასის დამრიგებელი  ნაირა სილაგავა გახლდათ. 

სკოლის დირექციის ცნობით, შეხვედრა ნაყოფიერი გამოდგა. კერძოდ, მუზეუმების დირექტორებთან მალხაზ ნაგერვაძესა და ქემალ თურმანიძესთან შინაარსიანი საუბარი შედგა.  

ასევე, არქეოლოგიური მუზეუმის წარმომადგენელ მერი ყულეჯიშვილთან მოკლე ისტორიული ექსკურსი საინტერესო აღმოჩნდა. 

დირექციის ინფორმაციითვე, ეს დღე მოსწავლეებს დიდხანს ემახსოვრებათ.

იხილეთ ფოტოები