ბოდბისხევის სკოლაში სერთიფიცირებული მასწავლებლის, მარინე ტყემალაძის მიერ ინოვაციური მიდგომით განხილულმა საგაკვეთილო თემამ: ''სახიფათო საგნები'', პირველკლასელებში დიდი დაინტერესება და აქტივობა განაპირობა. 

არატრადიციულმა წყობამ და უშუალო, თავისუფალმა გარემომ განაპირობა ბავშვების გულახდილი ემოციები და თავისი აზრის თამამად დაფიქსირების უნარის განმტკიცება. 

მოსწავლეები შთამბეჭდავად საუბრობდნენ საკუთარ თუ სხვათა გამოცდილებაზე, ამჟღავნებდნენ უკვე შეძენილ ცოდნას და ერთმანეთს უზიარებდნენ საინტერესო ფაქტებს. მოსწავლეები მთელი  საგაკვეთილო დროის მანძილზე იყვნენ აქტიურები, ხალისიანები და უფრო მოტივირებულნი. 

მნიშვნელოვანია ისიც, რომ დაწყებით საფეხურზე ინოვაციური გაკვეთილები უფრო მეტ საშუალებას იძლევა მოსწავლეებში უშუალო, გულახდილი და მეგობრული  ურთიერთობის ჩამოყალიბების უზრუნველსაყოფად.