ვარევანისა და ალათუმნის  საზაფხულო სკოლების საქმიანობის ფარგლებში ერთობლივი ღონისძიება  ჩატარდა. 

ალათუმნის საჯარო სკოლამ ვარევანის სკოლის მოსწავლეებს უმასპინძლა. 

პროექტის ორგანიზატორები კონსულტანტ-მასწავლებლები ნინელი გოგოლაძე და დალი ბოლქვაძე შეეცადნენ, რომ ეს დღე მოსწავლეთათვის დასამახსოვრებელი ყოფილიყო. 

„შედგა არაჩვეულებრივად თბილი და საინტერესო შეხვედრა. ბავშვებმა წარმოადგინეს თავიანთი შემოქმედება და დაგეგმეს სამომავლო  ღონისძიებაც, ახლა უკვე ვარევანში“ - აღნიშნა სკოლის წარმომადგენელმა. 

ღონისძიების ბოლოს, სკოლის დირექტორმა პეტროს ტონოიანმა მოსწავლეებსა და მასწავლებლებს საზაფხულო სკოლაში აქტიური მონაწილეობისათვის მადლობა გადაუხადა და სიგელები გადასცა.     

ვარევანის საზაფხულო სკოლის მოსწავლეები და მათი მშობლები  ახალციხეში სასწავლო- შემოქმედებით ექსკურსიაზე იმყოფებოდნენ. 

როგორც ქართული ენის მასწავლებელმა ნინელი გოგოლაძემ აღნიშნა, ბავშვებმა დაათვალიერეს  რაბათის ციხე, დრო შესანიშნავად გაატარეს და სასიამოვნო შთაბეჭდილებებით დაბრუნდნენ უკან.

იხილეთ ფოტოები