„პირველი მერცხალი სან დიეგოს უნივერსიტეტში“ - ვანის N2 საჯარო სკოლას 100%-იანი გრანტის მფლობელი კურსდამთავრებული ჰყავს
15-08-2018
ვანის N2 საჯარო სკოლის კურსდამთავრებული ნიკა ძიგვაშვილი სან დიეგოს უნივერსიტეტის 100%-იანი გრანტის მფლობელია.
მან ეროვნულ გამოცდებზე ქართულში 70, უნარებში კი 69 ქულა აიღო, 86 ქულით შეფასდა ინგლისურ ენაში, მათემატიკის გამოცდაზე კი 50 ქულა დააგროვა.
ნიკას მაღალი შედეგებით გამოცდების ეროვნული ცენტრი დაინტერესდა და ვანის N2 საჯარო სკოლის კურსდამთავრებულს სან დიეგოს უნივერსიტეტში გასაუბრების გავლა შესთავაზა.
„კომპიუტერულ ინჟინერიაზე მინდოდა ჩაბარება, სან დიეგოს უნივერსიტეტზე მაღალი გადასახადის გამო არც მიფიქრია. როდესაც ეროვნული გამოცდების შედეგები გახდა ცნობილი, გაისმა ზარი და გასაუბრებაზეც დამიბარეს. ინგლისურ ენაზე დამისვეს კითხვები, რატომ მომწონდა არჩეული სფერო და რა სამომავლო მიზნები მქონდა. საბოლოოდ გამოვიდა, რომ 100%-იანი გრანტით დამაფინანსეს. ბაკალავრიატი 4 წელს მოიცავს, თუმცა მეორე კურსიდან უნივერსიტეტის ფარგლებში, ამერიკაში შემიძლია სწავლის გაგრძელება, მაგრამ აუცილებლად დავბრუნდები საქართველოში და მიღებული ცოდნით სამშობლოს გამოვადგები.“
ნიკას თქმით, მის წარმატება ვანის N2 საჯარო სკოლისა და არაჩვეულებრივი პედაგოგების დამსახურებაა. მათ შეამეცნეს ცოდნის ფასი და მიზნისკენ სწრაფვაში დაეხმარნენ.
სკოლის დირექტორი თეონა ადეიშვილი ამაყია ნიკას წარმატებით და პირველ მერცხალს უწოდებს მას:
„ნიკამ შეძლო ის, რაც ყველაზე მეტად მინდოდა, რომ მოსწავლეში განმევითარებინა-მეტაკოგნიტური უნარების ანუ, სწავლებით სწავლის დაუფლება. მან შეძლო თავადვე დაეგეგმა საკუთარი სასწავლო პროცესი და ავტონომიური მოსწავლე გამხდარიყო. თვითრეგულირებადია მისი სწავლა, ქცევა და ქმედებები, ისახავს მიზანს და თავადვე საზღვრავს მისკენ საჭირო ნაბიჯებს. მეგობრული, თბილი და მოსიყვარულე ადამიანია, ჩემი მოსწავლე კი არა, პატარა მეგობარია, რომელთანაც მრავალ თემაზე შემიძლია საუბარი. არაჩვეულებრივად ფლობს გერმანულს და აქტიურადაა „გოეთეს“ პროგრამებში ჩართული, ამავდროულად, შესანიშნავად იცის ინგლისური. ნიკას დავუსახეთ მიზანი, რომ ის შეძლებდა, საქართველოს ფარგლებს გარეთ გაეტანა თავისი ნიჭი, მიეღო ცოდნა და ქვეყანაში დაბრუნებული სამშობლოს გამოდგომოდა.
ნიკას სან დიეგოს უნივერსიტეტში 100%-იანი გრანტით ჩარიცხვა სკოლისა და მთელი რაიონისთვის ძალიან დიდი მოტივაციაა. მაინტერესებდა ჩემს სკოლასა და მოსწავლეებს რა შედეგზე შეეძლოთ გასვლა, საქართველოს სახელმწიფო უნივერსიტეტებში ჩაბარება უცხო არ არის ჩვენთვის, აი, სან დიეგოს მაღალი თამასა და საბუნებისმეტყველო მეცნიერებების ასეთი ფლობა კი ნამდვილად დიდი წარმატებაა. ნიკა პირველი მერცხალია, მართალია, ერთი მერცხლის ჭიკჭიკი გაზაფხულს ვერ მოიყვანს, მაგრამ მერცხალი ყოველთვის გაზაფხულის მახარობელია და ჩვენც უცხოურ წამყვან უნივერსიტეტებში ჩაბარებას ვისახავთ მიზნად,“ - აღნიშნავს თეონა ადეიშვილი.
მან ეროვნულ გამოცდებზე ქართულში 70, უნარებში კი 69 ქულა აიღო, 86 ქულით შეფასდა ინგლისურ ენაში, მათემატიკის გამოცდაზე კი 50 ქულა დააგროვა.
ნიკას მაღალი შედეგებით გამოცდების ეროვნული ცენტრი დაინტერესდა და ვანის N2 საჯარო სკოლის კურსდამთავრებულს სან დიეგოს უნივერსიტეტში გასაუბრების გავლა შესთავაზა.
„კომპიუტერულ ინჟინერიაზე მინდოდა ჩაბარება, სან დიეგოს უნივერსიტეტზე მაღალი გადასახადის გამო არც მიფიქრია. როდესაც ეროვნული გამოცდების შედეგები გახდა ცნობილი, გაისმა ზარი და გასაუბრებაზეც დამიბარეს. ინგლისურ ენაზე დამისვეს კითხვები, რატომ მომწონდა არჩეული სფერო და რა სამომავლო მიზნები მქონდა. საბოლოოდ გამოვიდა, რომ 100%-იანი გრანტით დამაფინანსეს. ბაკალავრიატი 4 წელს მოიცავს, თუმცა მეორე კურსიდან უნივერსიტეტის ფარგლებში, ამერიკაში შემიძლია სწავლის გაგრძელება, მაგრამ აუცილებლად დავბრუნდები საქართველოში და მიღებული ცოდნით სამშობლოს გამოვადგები.“
ნიკას თქმით, მის წარმატება ვანის N2 საჯარო სკოლისა და არაჩვეულებრივი პედაგოგების დამსახურებაა. მათ შეამეცნეს ცოდნის ფასი და მიზნისკენ სწრაფვაში დაეხმარნენ.
სკოლის დირექტორი თეონა ადეიშვილი ამაყია ნიკას წარმატებით და პირველ მერცხალს უწოდებს მას:
„ნიკამ შეძლო ის, რაც ყველაზე მეტად მინდოდა, რომ მოსწავლეში განმევითარებინა-მეტაკოგნიტური უნარების ანუ, სწავლებით სწავლის დაუფლება. მან შეძლო თავადვე დაეგეგმა საკუთარი სასწავლო პროცესი და ავტონომიური მოსწავლე გამხდარიყო. თვითრეგულირებადია მისი სწავლა, ქცევა და ქმედებები, ისახავს მიზანს და თავადვე საზღვრავს მისკენ საჭირო ნაბიჯებს. მეგობრული, თბილი და მოსიყვარულე ადამიანია, ჩემი მოსწავლე კი არა, პატარა მეგობარია, რომელთანაც მრავალ თემაზე შემიძლია საუბარი. არაჩვეულებრივად ფლობს გერმანულს და აქტიურადაა „გოეთეს“ პროგრამებში ჩართული, ამავდროულად, შესანიშნავად იცის ინგლისური. ნიკას დავუსახეთ მიზანი, რომ ის შეძლებდა, საქართველოს ფარგლებს გარეთ გაეტანა თავისი ნიჭი, მიეღო ცოდნა და ქვეყანაში დაბრუნებული სამშობლოს გამოდგომოდა.
ნიკას სან დიეგოს უნივერსიტეტში 100%-იანი გრანტით ჩარიცხვა სკოლისა და მთელი რაიონისთვის ძალიან დიდი მოტივაციაა. მაინტერესებდა ჩემს სკოლასა და მოსწავლეებს რა შედეგზე შეეძლოთ გასვლა, საქართველოს სახელმწიფო უნივერსიტეტებში ჩაბარება უცხო არ არის ჩვენთვის, აი, სან დიეგოს მაღალი თამასა და საბუნებისმეტყველო მეცნიერებების ასეთი ფლობა კი ნამდვილად დიდი წარმატებაა. ნიკა პირველი მერცხალია, მართალია, ერთი მერცხლის ჭიკჭიკი გაზაფხულს ვერ მოიყვანს, მაგრამ მერცხალი ყოველთვის გაზაფხულის მახარობელია და ჩვენც უცხოურ წამყვან უნივერსიტეტებში ჩაბარებას ვისახავთ მიზნად,“ - აღნიშნავს თეონა ადეიშვილი.
სკოლების სიახლეები
