გომის საჯარო სკოლის მოსწავლეები და მასწავლებლები „მსოფლიო დასუფთავების დღის“ აქციას შეუერთდნენ, რის ფარგლებშიც მონაწილეებმა სკოლის მიმდებარე ტერიტორია მოაწესრიგეს. 

დასუფთავების ყოველწლიური საერთაშორისო კამპანია –„დავასუფთაოთ მსოფლიო“ (Clean Up the World) 1992 წელს გაეროს გარემოსდაცვითი პროგრამის (UNEP) ინიციატივით დაფუძნდა და ამჟამად მსოფლიოს 140-ზე მეტ ქვეყანას აერთიანებს. 

მსოფლიო დასუფთავების დღის იდეა კი 10 წლის წინ ესტონეთში გაჩნდა, როდესაც ქვეყნის მოსახლეობის 4% გამოვიდა გარემოს დასასუფთავებლად. სწორედ ამან მისცა დასაბამი მსოფლიო სამოქალაქო მოძრაობას „Let’s Do It World“, რომელმაც ქვეყნები გააერთიანა ერთი მიზნის გარშემო – შევინარჩუნოთ სუფთა გარემო. 

საქართველო ამ კამპანიას 2010 წელს შეურთდა.

იხილეთ ფოტოები