ბაღდათის N1 საჯარო სკოლის მოსწავლეებმა სასწავლო წელი ახალი სასკოლო ფორმებით დაიწყეს
21-09-2018
ბაღდათის N1 საჯარო სკოლის აღსაზრდელებმა სასწავლო წელი ახალი სასკოლო ფორმებით დაიწყეს.
სკოლის წარმომადგენლის თქმით, სკოლაში ახალი სასწავლო წლის დაწყებას ტრადიციულად საზეიმო განწყობით შეხვდნენ.
სკოლის დირექტორმა და პედაგოგებმა მათ სწავლის დაწყება მიულოცეს და წარმატებული სასწავლო წელი უსურვეს.
სკოლის აღსაზრდელებმა კი სპეციალურად ამ დღისთვის მორთულ სკოლის ეზოში ღონისძიება გამართეს.
„ეს დღე განსაკუთრებით საინტერესო და მრავალფეროვანი იყო პირველკლასელთათვის, რადგან მათთვის ცხოვრების ახალი და საინტერესო ფურცელი გადაიშალა. პირველი ნაბიჯები ახალ სამყაროში, პირველი ემოციები და შთაბეჭდილებები, პირველი მასწავლებელი - ალბათ, დაუვიწყარ მოგონებად დარჩება მათ მეხსიერებაში“,-აღნიშნავს სკოლის წარმომადგენელი.
იხილეთ ფოტოები
სკოლების სიახლეები
