16-21 სექტემბერს პოლონეთში აჭარის საბუნებისმეტყველო საგანთა მასწავლებლების სასწავლო ვიზიტი გაიმართა. 

ვიზიტის ფარგლებში პედაგოგები ვარშავის კოპერნიკის სამეცნიერო ცენტრსა (Copernicus Science Centre) და ფონდში „სკოლა კლასთან“ (School with Class Foundation) იმყოფებოდნენ.

სტაჟირების მონაწილე 11 კონკურსანტს შორის იყო ერგეს საჯარო სკოლის ბიოლოგიის უფროსი მასწავლებელი ნანა ვარდმანიძე, რომელმაც წარმატებით გაიარა აჭარის განათლების ფონდის და ბათუმის მასწავლებლის სახლის შესარჩევი კონკურსი. 

უცხოეთში მიღებულ გამოცდილებას ნანა ვარდმანიძე დანერგავს და განახორციელებს სკოლაში.

ერგეს საჯარო სკოლა ულოცავს პედაგოგს და წარმატებებსა და წინსვლას უსურვებს. 

იხილეთ ფოტოები