ხობის, ესტატე შუშანიას სახელობის პირველი მაისის საჯარო სკოლის დაწყებითი კლასების მასწავლებელმა ბელა ლაგვილავამ და ქართული ენისა და ლიტერატურის პედაგოგმა ნინელი ხუხიამ წამყვანი მასწავლებლის სტატუსი მოიპოვეს.

სკოლის წარმომადგენლის თქმით, სკოლას ამ კუთხით ხობის მუნიციპალიტეტის სკოლებს შორის საუკეთესო მაჩვენებელი აქვს. 

„22 მასწავლებელს შორის ორს წამყვანის, რვას უფროსის, ხოლო 12-ს პრაქტიკოსი მასწავლებლის სტატუსი აქვს. სკოლის დირექცია უახლოეს დღეებში კიდევ 2 პედაგოგის უფროს მასწავლებლობაზე ელოდება დადებით პასუხს. ძლიერი პედაგოგები უკეთესი ხვალინდელი დღის საწინდარია“,-აღნიშნავს სკოლის წარმომადგენელი.

მასწავლებელთა პროფესიული განვითარებისა და კარიერული წინსვლის სქემის მიხედვით პედაგოგები 4 კატეგორიად - პრაქტიკოსად, უფროს, წამყვან და მენტორებად გადანაწილდნენ. მასწავლებელს სქემა საშუალებას აძლევს კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.