თბილისის N92 საჯარო სკოლის მოსწავლეებმა ახალი სასწავლო წელი განახლებულ საკლასო ოთახებში დაიწყეს.

სკოლის წარმომადგენლის თქმით, მოსწავლეებს საზეიმოდ მორთული სკოლა და განახლებული საკლასო ოთახები დახვდათ.

დირექტორმა და პედაგოგებმა სკოლის აღსაზდელებს სწავლის დაწყება მიულოცეს და წარმატებული სასწავლო წელი უსურვეს. 

დირექციამ 2017-2018 სასწავლო წლის წარჩინებულ მოსწავლეებს სიგელები გადასცა.

 „სკოლა ულოცავს ყველა მოსწავლეს ახალი სასწავლო წლის დაწყებას და ნაყოფიერ, წარმატებულ და საინტერესო წელს უსურვებს“,-აღნიშნავს სკოლის წარმომადგენელი.