წყალტუბოს N4 საჯარო სკოლა ყოველთვის აქტიურად იყო ჩართული სპორტულ შეჯიბრებებში და აქტივობებში. 

სკოლას არაერთი გამარჯვება აქვს მოპოვებული სპორტის სხვადასხვა სახეობაში. 

2017 წელს სკოლის გუნდმა საქართველო ყატარში სკოლებს შორის ხელბურთის მსოფლიო ჩემპიონატზე წარადგინა. 

ამჯერად სკოლის მოსწავლეები 2018 წლის ოქტომბრის თვეში გამართულ ზურაბ ბადირეიშვილის ხსოვნისადმი მიძღვნილ 3X3 კალათბურთის ტურნირში მონაწილეობდნენ. 

მათ წარმატებით იასპარეზეს და გამარჯვებაც მოიპოვეს. 

„ამ გამარჯვებით ჩვენმა მოსწავლეებმა უფრო მრავალფეროვანი გახადეს  სკოლის სპორტული მიღწევები.  წყალტუბოს მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურმა თითოეულ მონაწილეს დიპლომი და მედალი გადასცა, ჩვენმა მოსწავლეებმა კი სკოლაში თასს საპატიო ადგილი მიუჩინეს“ - აღნიშნა სკოლის წარმომადგენელმა. 

იხილეთ ფოტოები