„ათასწლეულის გამოწვევის ფონდის“ ინფორმაციით, წინა წლებთან შედარებით, სტატისტიკის მიხედვით, პროფესიულ კოლეჯებში სწავლის მსურველთა რაოდენობა მკვეთრად გაიზარდა.
პროფესიული განათლება ეკონომიკის განვითარებისთვის - ამ მოტივით „ათასწლეულის გამოწვევის ფონდმა“ საქართველოს შრომის ბაზარი შეისწავლა.
„ათასწლეულის გამოწვევის ფონდმა“ გამოიკვლია დეფიციტური პროფესიები და მისი ფინანსური მხარდაჭერით 10-მა საგანმანათლებლო დაწესებულებამ 51 პერსპექტიული პროგრამა შექმნა. ახალი პროგრამები შეიქმნა: საინჟინრო, სამშენებლო, საზღვაო, ტურიზმის, საინფორმაციო ტექნოლოგიების, ავიაციისა და სოფლის მეურნეობის დარგებში.
კოლეჯები შესაბამისი თანამედროვე ტექნოლოგიებით აღჭურვა.
ფონდის ინფორმაციით, პროფესიული განათლების ერთ-ერთი მთავარი ხიბლი პრაქტიკულ სწავლებაშია. გარდა თანამედროვე მეთოდოლოგიით და ტექნიკით სწავლისა, სტუდენტებს უნიკალური შესაძლებლობა აქვთ, რომ პრაქტიკა განათლების მიღების პროცესში პოტენციური დამსაქმებლების კომპანიებში გაიარონ.
