2004 წლიდან გურამ გორდეზიანის ინიციატივით, მოსწავლე-ახალგაზრდობის ცენტრის, ამბროლაურის მთავარი ბიბლიოთეკის და საქართველოს პარლამენტის ეროვნული ბიბლიოთეკის მხარდაჭერით ყოვეწლიურად ტარდება ცნობილი რაჭველის, მთარგმნელისა და პუბლიცისტის,  ბაჩანა ბრეგვაძის ლიტერატურული კონკურსი „შემოდგომა რაჭაში - მწიგნობარი“, რომელშიც  ამბროლაურის რაიონის საჯარო სკოლის მოსწავლეები მონაწილეობენ. 

პროექტის მიზანია წიგნიერების დონის ამაღლება ბავშვებში. 

წელსაც ტრადიციულად გაიმართა „მწიგნობარი 2018“, რომელმაც მოსწავლეები 9 სხვადასხვა ნომინაციაში დააჯილდოვა. 

ერთ-ერთ ნომინაციაში, „პოეზია უპირველეს ყოვლისა“ გაიმარჯვა ხვანჭკარის საჯარო სკოლის მეთორმეტე კლასის მოსწავლემ კესო შიშინაშვილმა, რომელსაც გადაეცა 500 ლარიანი ვაუჩერი და 1 წლის განმავლობაში ყოველთვიურად 50 ლარიანი სტიპენდია. 

ხვანჭკარის საჯარო სკოლა ულოცავს კესოს გამარჯვებას და პროექტის ხელმძღვანელებს და მის განხორციელებაში ჩართულ თითოეულ ადამიანს მადლობას უხდის. 

იხილეთ ფოტოები