დაბა თამარისის საჯარო სკოლამ შემოდგომის ფერებით და მოსწავლეთა ნამუშევრებით გალამაზებულ დარბაზში საქართველოს განათლების, კულტურისა და სპორტის სამინისტროს მიერ ორგანიზებულ ღონისძიებას უმასპინძლა. 

კერძოდ, აღნიშნულის ფარგლებში სკოლის მოსწავლეები ქართველი პოეტის, ბაღათერ არაბულის შემოქმედებას გაეცნენ და თავად პოეტს მოუსმინეს.  

პოეტმა როგორც საკუთარი, ასევე ქართველ კლასიკოსთა ლექსები ქართულ-აზერბაიჯანულ ენაზე წაიკითხა.  

სკოლის ბიბლიოთეკას კი ქართულ-აზერბაიჯანულ ენაზე გამოცემული წიგნები, აუდიო და ვიდეო დისკები გადაეცა. 

სკოლის დირექცია მეცნიერების, კულტურისა და სპორტის სამინისტროს და იამზე სვანიძეს ლამაზი დღის ორგანიზებისათვის მადლობას უხდის.

იხილეთ ფოტოები