ბაკურიანის საჯარო სკოლის მოსწავლეებს მცირე ასაკიდანვე ბუნების მიმართ განსაკუთრებულ სიყვარულს და მზრუნველობას ასწავლიან.

ბაკურიანის საჯარო სკოლის ტერიტორიაზე, მესამე კლასის მოსწავლეებმა კლასის ხელმძღვანელთან, ანა ტყემალაძესთან ერთად ნაძვის ხეები დარგეს.

აღნიშნულ აქტივობაში მოსწავლეებს სკოლის დირექტორი თამარ ბლიაძე და დირექტორის მოადგილე გოჩა უგულავა შეუერთდნენ.

ღონისძიების მიზანი სკოლის ტერიტორიის კეთილმოწყობა და გამწვანებაზე ზრუნვა იყო. ბავშვებს ძალიან მოეწონათ დირექციის მიერ ორგანიზებული აქტივობა და პირობა დადეს, რომ თავიანთ დარგულ ხეებს მოუვლიან და უპატრონებენ.

იხილეთ ფოტოები