თბილისის კერძო სკოლა „მერმისის“ V კლასის მოსწავლეები, პედაგოგების ნანა ძაძამიას და ნანა თათარიშვილის ხელმძღვანელობით დეკორატიული მცენარეების სანერგე „გარდენია შევარდნაძეში“ იმყოფებოდნენ.

მოსწავლეებმა სანერგე დაათვალიერეს და სხვადასხვა ჯიშის მცენარეებს გაეცნენ. მათ ასევე ფლორისტული გაკვეთილი ჩაუტარდათ, რომელზეც საკუთარი ხელით მოხატეს ქოთნები და ყვავილები დარგეს.

სკოლის წარმომადგენლის თქმით, მოსწავლეები ექსკურსიიდან საიამოვნო შთაბეჭდილებებით დაბრუნდნენ.