თელავის N5 საჯარო სკოლის სამოქალაქო განათლების კლუბ „ახალი სიცოცხლის“ წევრები სამოქალაქო განათლების პედაგოგ ზეინაბ კაკალაშვილის ხელმძღვანელობით პროექტში „U18 - მეტი შეგვიძლია“ მონაწილეობდნენ. 

„Under 18 (U18)“ - პროგრამა მიმართულია აქტიური მოქალაქობრივი პოზიციის ფორმირებისაკენ ბავშვებსა და ახალგაზრდებში, რომელთაც ჯერ არა აქვთ არჩევნებში ხმის მიცემის უფლება, რადგან არ შესრულებიათ 18 წელი. პროგრამა მათ შესაძლებლობას აძლევთ მონაწილეობა მიიღონ რეალურ საარჩევნო პროცესში. 

პროგრამის მიზანია: დაეხმაროს ახალგაზრდებს გაითავისონ დემოკრატიის მექანიზმები, კონკრეტული პოლიტიკური სიტუაცია და ყურადღებით შეაფასონ პოლიტიკოსთა დაპირებები, მისი მეშვეობით ახალგაზრდები სწავლობენ დაინახონ განსხვავებები პარტიებისა და კანდიდატების წინასაარჩევნო პროგრამებში.  

პროექტის ფარგლებში თელავის N5 საჯარო სკოლის კლუბ „ახალი სიცოცხლის“ წევრებმა ჩაატარეს იმიტირებული არჩევნები, რომლის მიზანი იყო სკოლის მოსწავლეებში არჩევნებთან დაკავშირებული ცნობიერების ამაღლება.   

იხილეთ ფოტოები