ახალციხის N5 საჯარო სკოლის დაწყებით კლასებში კვირეული თემაზე „ოქროს შემოდგომა“ გაიმართა. 

კვირეულის ფარგლებში მოსწავლეებმა სხვადასხვა აქტივობა განახორციელეს: გამხმარი ფოთლებით შექმნეს აპლიკაციები, შემოდგომის ნობათით დაამზადეს დეკორაციები, დახატეს შემოდგომის დღეები. 

კვირეულის ბოლოს სკოლის ფოიეში მოეწყო მოსწავლეების ნახატების გამოფენა. პატარების ნამუშევრებმა დამთვალიერებლის მოწონება დაიმსახურა. 

ნამუშევრების ფოტოები შეგიძლიათ იხილოთ აქ. 

გამოფენის დათვალიერებას მსურველები ორი კვირის განმავლობაში შეძლებენ. კვირეულის ბოლოს გაიმართა ღონისძიება, რომლის დროსაც შედგა პირველკლასელთა დებიუტი სცენაზე. პატარებმა დაახასიათეს ოქროსფერი, ბარაქიანი, მადლიანი შემოდგომა, წაიკითხეს  ლექსები, იმღერეს და იცეკვეს. ღონისძიების ფოტოები შეგიძლიათ იხილოთ აქ. 

ღონისძიების ბოლოს სკოლის დირექტორმა ინგა ვარდიძემ კიდევ ერთხელ მიულოცა მოსწავლეებს შემოდგომის დღესასწაული და კვირეულის  ფარგლებში კონკურსში გამარჯვებული მოსწავლეები სიგელებით დააჯილდოვა. გამარჯვებულ მოსწავლეთა სია შეგიძლიათ იხილოთ აქ. 

იხილეთ ფოტოები (დაჯილდოების ფოტოები სრულად შეგიძლიათ იხილოთ აქ)