რა დისკრიმინაციას განიცდიან კერძო სკოლის პედაგოგები და მოსწავლეები
23-11-2018
რა განასხვავებს კერძო და საჯარო სკოლებს, არიან თუ არა კერძო სკოლის მოსწავლეები და მასწავლებლები უპირატეს მდგომარეობაში, როგორც ამას საზოგადოების ნაწილი მიიჩნევს? - აღნიშნულ კითხვებზე პასუხის გასაცემად Etaloni.ge განათლების ექსპერტებს დაუკავშირდა.
განათლების მკვლევარი სიმონ ჯანაშია Etaloni.ge-სთან კერძო და საჯარო სკოლებს შორის განსხვავებებზე, უპირატესობებსა და ნაკლოვანებებზე საუბრობს. როგორც მკვლევარი აცხადებს, პირველ რიგში განსხვავება სოციალურ კლასებს შორის არის - თუ საჯარო სკოლაში ყველა სოციალური ფენის მოსწავლე სწავლობს, კერძო სკოლებში საშუალო და უფრო მაღალი სოციალური სტატუსის მქონე ოჯახის შვილები იღებენ განათლებას.
„ამასთან, კერძო სკოლები უფრო თავისუფლები არიან სწავლების მეთოდების თვალსაზრისით, მაშინ როცა საჯარო სკოლები გაწერილი ინსტრუქციისა და მეთოდების მიხედვით ასწავლიან. კერძო სკოლებში მოსწავლეებს განვითარების მეტი საშუალება აქვთ, ვინაიდან არჩევანის მრავალფეროვნებაა სასწავლო ლიტერატურის თვალსაზრისით, მათი ბიბლიოთეკა უფრო ფართო და მრავალგვარია.
თუმცა, საჯარო სკოლის მოსწავლეებისგან განსხვავებით, კერძო სკოლის ბავშვები ვერ იღებენ სახელმწიფოსგან წახალისების მიზნით დადგენილ საჩუქარს - პორტატულ კომპიუტერებს, რომლებსაც საჯარო სკოლაში წარჩინებულ მოსწავლეებს გადაეცემათ, არ ურიგდებათ უფასო სახელმძღვანელოები, რაც კერძო სკოლის მოსწავლეების დისკრიმინაციად შეიძლება მივიჩნიოთ“, - აცხადებს ჯანაშია.
განათლების მკვლევარი აქვე აღნიშნავს, რომ განსხვავდება კერძო და საჯარო სკოლის მასწავლებლების განვითარების შესაძლებლობაც.
განათლების მკვლევარი სიმონ ჯანაშია Etaloni.ge-სთან კერძო და საჯარო სკოლებს შორის განსხვავებებზე, უპირატესობებსა და ნაკლოვანებებზე საუბრობს. როგორც მკვლევარი აცხადებს, პირველ რიგში განსხვავება სოციალურ კლასებს შორის არის - თუ საჯარო სკოლაში ყველა სოციალური ფენის მოსწავლე სწავლობს, კერძო სკოლებში საშუალო და უფრო მაღალი სოციალური სტატუსის მქონე ოჯახის შვილები იღებენ განათლებას.
„ამასთან, კერძო სკოლები უფრო თავისუფლები არიან სწავლების მეთოდების თვალსაზრისით, მაშინ როცა საჯარო სკოლები გაწერილი ინსტრუქციისა და მეთოდების მიხედვით ასწავლიან. კერძო სკოლებში მოსწავლეებს განვითარების მეტი საშუალება აქვთ, ვინაიდან არჩევანის მრავალფეროვნებაა სასწავლო ლიტერატურის თვალსაზრისით, მათი ბიბლიოთეკა უფრო ფართო და მრავალგვარია.
თუმცა, საჯარო სკოლის მოსწავლეებისგან განსხვავებით, კერძო სკოლის ბავშვები ვერ იღებენ სახელმწიფოსგან წახალისების მიზნით დადგენილ საჩუქარს - პორტატულ კომპიუტერებს, რომლებსაც საჯარო სკოლაში წარჩინებულ მოსწავლეებს გადაეცემათ, არ ურიგდებათ უფასო სახელმძღვანელოები, რაც კერძო სკოლის მოსწავლეების დისკრიმინაციად შეიძლება მივიჩნიოთ“, - აცხადებს ჯანაშია.
განათლების მკვლევარი აქვე აღნიშნავს, რომ განსხვავდება კერძო და საჯარო სკოლის მასწავლებლების განვითარების შესაძლებლობაც.
„მაშინ, როცა საჯარო სკოლაში მოღვაწე პედაგოგები სახელმწიფოს მიერ დაფინანსებული სხვადასხვა ტიპის ტრენინგებით უფასოდ სარგებლობენ და განვითარების არაერთი საშუალება აქვთ, კერძო სკოლის პედაგოგებმა ტრენინგში ფული უნდა გადაიხადონ. სახელმწიფო მათთვის უფასო ტრენინგებს არ უზრუნველყოფს“, - ამბობს ჯანაშია.
კერძო სკოლებზე საზოგადოების არაერთგვაროვან დამოკიდებულებაზე საუბრობს სამოქალაქო განვითარების ინსტიტუტის წარმომადგენელი, განათლების სპეციალისტი თამარ მოსიაშვილი. მისი თქმით, შეხედულება, რომ ხარისხიანი განათლების მიღება მხოლოდ კერძო სკოლაშია შესაძლებელი - არასწორია.
„კერძო სკოლებზე თუ ვისაუბრებთ, ჩემი აზრით, არის ე.წ. პრესტიჟული სკოლები, სადაც მაღალი გადასახადია. არის ისეთი კერძო სკოლები, სადაც არცთუ მაღალი გადასახადია და ხშირად მათ პედაგოგებს საჯარო სკოლის მასწავლებლებზე ნაკლები ანაზღაურებაც კი აქვთ. ცალსახად, პირდაპირი შედარება კერძო და საჯარო სკოლებისა მიჭირს. ამ საკითხს უფრო განათლების პოლიტიკის ჭრილში გადავიტანდი და ვიტყოდი, რომ საზოგადოების დამოკიდებულება საჯარო სკოლების მიმართ არ არის ისეთი, როგორიც უნდა იყოს, თუმცა ისიც ცალსახაა, რომ ქვეყანამ ყველაფერი უნდა გააკეთოს საჯარო სკოლების გაძლიერებისთვის.
ის დამოკიდებულება, რომ სკოლა აუცილებლად უნდა იყოს კერძო, რომ სწავლების ხარისხი მაღალი იყოს, არ მგონია სწორი, ვინაიდან ძალიან ბევრი საჯარო სკოლა არსებობს საქართველოში, სადაც ძალიან კარგი მასწავლებლები არიან და განათლების დონეც მაღალია“,- აცხადებს თამარ მოსიაშვილი.
კერძო სკოლებზე საზოგადოების არაერთგვაროვან დამოკიდებულებაზე საუბრობს სამოქალაქო განვითარების ინსტიტუტის წარმომადგენელი, განათლების სპეციალისტი თამარ მოსიაშვილი. მისი თქმით, შეხედულება, რომ ხარისხიანი განათლების მიღება მხოლოდ კერძო სკოლაშია შესაძლებელი - არასწორია.
„კერძო სკოლებზე თუ ვისაუბრებთ, ჩემი აზრით, არის ე.წ. პრესტიჟული სკოლები, სადაც მაღალი გადასახადია. არის ისეთი კერძო სკოლები, სადაც არცთუ მაღალი გადასახადია და ხშირად მათ პედაგოგებს საჯარო სკოლის მასწავლებლებზე ნაკლები ანაზღაურებაც კი აქვთ. ცალსახად, პირდაპირი შედარება კერძო და საჯარო სკოლებისა მიჭირს. ამ საკითხს უფრო განათლების პოლიტიკის ჭრილში გადავიტანდი და ვიტყოდი, რომ საზოგადოების დამოკიდებულება საჯარო სკოლების მიმართ არ არის ისეთი, როგორიც უნდა იყოს, თუმცა ისიც ცალსახაა, რომ ქვეყანამ ყველაფერი უნდა გააკეთოს საჯარო სკოლების გაძლიერებისთვის.
ის დამოკიდებულება, რომ სკოლა აუცილებლად უნდა იყოს კერძო, რომ სწავლების ხარისხი მაღალი იყოს, არ მგონია სწორი, ვინაიდან ძალიან ბევრი საჯარო სკოლა არსებობს საქართველოში, სადაც ძალიან კარგი მასწავლებლები არიან და განათლების დონეც მაღალია“,- აცხადებს თამარ მოსიაშვილი.
სკოლების სიახლეები
